Tākina te kawa mai tawhiti ki ngā tangiwai tuku iho o ngā mātua tīpuna, ko te waiora o te Atua, te mātāpuna o te ora, te mōhio o te maungarongo. Tihei ki te rangi, mauri ora ki te whenua.

​

E ngā mana, e ngā reo, e ngā karangatanga maha o ngā tīpuna, tēna koutou i roto i ngā huringa o te wā, Ki te hunga kua wehe nei i te whitiki o mauriora, e hinga mokemoke nei i te mate weriweri, e rērere ana ao pō, ao pō, ki tēna pito, ki tēna pito.

​

Haere rā e ngā mate kia pōwhiringia e te rau aroha, mā kōtuku rerenga tahi koutou e ārahi ki te ahurewa tapu o Io.

 

Mihi kau ake ki ngā whānau kua māhue muri nei, tangi wēwēhe ai i ō tātou mate hūhua.

​

Tēnā koutou katoa e whakarauika mai nei i runga i te whakaaro kotahi, ki tō tātou kaupapa e tau nei, ko Ngā Manu Kōrero.

Tihei Mauri ora.